Skul bilong wanpela papa i go long narapela
Lessons from one father to another
By Pastor Ian Wildeboer
* Remember, the only way to start your day is with the Lord. Start in prayer and meditate upon the richness of God’s Word. “On my bed I remember you…” (Psalm 63:6).“Satisfy us in the morning with your unfailing love…” (Psalm 90:14)
Tingim, yumi gat wanpela rot long statim de bilong yu. Yumi mas kirapim de wantaim Bikpela. Statim olgeta de wantaim prea na skelim tok bilong God, dispela tok i pulap long laip. “Long nait mi save tingting long yu tasol…” (Buk Song 63:6). “Yu save laikim mipela oltaim, na dispela i ken pulapim mipela long olgeta moningtaim.” (Buk Song 90:14)
* To be a man of integrity is difficult and without Christ in you it is impossible. For it is Christ who said, “I am the vine; you are the branches. Whoever abides in me and I in him, he it is that bears much fruit, for apart from me you can do nothing.” (John 15:5)
Sapos yu laik kamap olsem wanpela stretpela man em i hat tru, na sapos Krais i no stap long bel bilong yu, bai yu no inap tru long stap olsem wanpela stretpela man. Krais yet i tok olsem, “Mi yet mi diwai wain, na yupela i han bilong diwai wain. Man i pas long mi na mi pas long em, em save karim planti kaikai. Sapos yupela lusim mi yupela no inap mekim wanpela samting.” (Jon 15:5)
* A man of faith is a man who knows and loves the faith – the sound teachings of Scripture – and loves to teach them to his family. ”You shall teach them diligently to your children, and shall talk of them when you sit in your house.” (Deut 6:7)
Man bilong bilip em i save laikim trupela bilip bilong Buk Baibel na em i gat bikpela laik tru long skulim meri na pikinini bilong em tu long dispela bilip o tok tru. “Na yupela i mas lainim ol pikinini bilong yupela long ol dispela lo. Na tokim ol taim yupela i stap long haus….“ (Lo 6:7)
* One of the best gifts you can give your wife is to remain sexually pure. Nothing destroys a healthy marriage more than pornography or sexual unfaithfulness. “Keep the marriage bed pure.” (Hebrews 13:4)
Nambawan presen yu ken givim meri bilong yu i olsem, yu mas stap olsem wanpela man i no save mekim sexual sin, olsem pasin pamuk, lukim ol piksa nogut na kain doti pasin olsem. I nogat narapela samting olsem dispela kain sin. Dispela kain sin i save bagarapim marit bilong yutupela. “Yupela ol marit i mas lukautim gut marit bilong yupela, bai em i klin tru long ai bilong Bikpela.” (Hibru 13:4)
* A wife wants a husband she can be proud of. “Her husband is known in the gates when he sits among the elders of the land.” (Proverbs 31:23)
Olgeta meri i laik i stap wantaim wanpela kain gutpela man na ol man bilong ples na taun bai respektim em. “Ol hetman bilong ples i givim biknem long man bilong en. Na man bilong en i wanpela bilong ol dispela hetman.” (Gutpela Sindaun 31:23)
* A good man does not treat his wife like property, because Jesus never treated the church like property. He treated her as His bride and He gave His life for her. “Husbands love your wives as Christ loved the church and gave Himself up for her.” (Ephesians 5:25)
Sapos yu gutpela man bai yu no inap lukim meri bilong yu olsem samting nating yu baim, long wanem, Jisas i no lukim sios bilong em olsem. Nogat. Em i lukautim sios bilong em olsem wanpela naispela meri i laik maritim man na em i givim laip bilong Em long em. “Yupela man, yupela i mas laikim tumas ol meri bilong yupela, olsem Krais i laikim tumas sios na i givim laip bilong em yet bilong helpim sios.” (Efesus 5:25)
* If you want to know if you are a good husband, look at the face of your wife – is she happy? Is she content? Is there hope, and love, and joy in her eyes? “Husbands live with your wives in an understanding way…since they are heirs of the grace of life.” (1 Peter 3:7).
Sapos yu laik painimaut olsem yu wanpela gutpela man, yu mas lukim fes bilong meri bilong yu – em i amamas? Em i stap wantaim bel isi? Em i pulap long hop, na laikim long ai bilong em? “Yupela i mas bihainim gutpela tingting na sindaun gut wantaim ol meri bilong yupela…Yupela i mas save olsem, ol meri tu bai i kisim laip bilong i stap oltaim.” (1 Peter 3:7)
* The home is a home of peace when the father is a man of patience. “A gentle answer turns away wrath.” (Proverbs 15:1)
Haus bilong yu bai kamap olsem ples bilong bel isi sapos yu man bilong bel isi. “Sapos man i belhat long yu, orait bekim tok isi long em, na bai belhat bilong en i dai.” (Gutpela Sindaun 15:1)
* Your home must always be a safe place, a safe haven. Fathers, you have the God given responsibility to keep it that way. Pray that God may help you do this. “As for me and my house we will serve the Lord.” (Joshua 24:15)
Haus o ples bilong yu i mas i stap olsem wanpela sef ples, olsem wanpela ples we ol lain bilong yu i ken sindaun gut. Papa God, i givim yu yet dispela wok long bosim gut ples bilong yu. Askim God long helpim yu i kamapim kain ples olsem. “Tasol mi wantaim femili bilong mi, mipela bai i lotu long Bikpela tasol.” (Josua 24:15)
“Yupela man, yupela i mas laikim tumas ol meri bilong yupela, olsem Krais i laikim tumas sios na i givim laip bilong em yet bilong helpim sios.” (Efesus 5:25)
* Don’t try to keep up with the Joneses (your neighbor), just keep up to Jesus in the power of His Spirit. “I want to know Christ and the power of His resurrection.” (Philippians 3:10)
No ken tingting tumas na mangal long olgeta samting ol wantok bilong yu i kisim. Nogat. Yu mas tingting long bihainim Jisas wantaim pawa na strong bilong Holi Spirit. “Mi laik save tru long Krais. Krais i bin kirap bek long matmat, na em i gat bikpela strong…” (Filipai 3:10)
* What your children need to see in you is true love – for Christ, for your wife, for them, for others. “Love must be sincere hate what is evil, cling to what is good.” (Romans 12:9)
Ol pikinini bilong yumi i mas lukim trupela pasin laikim long bel bilong yumi. Yumi mas laikim tru Jisas, meri, pikinini na olgeta man. “Yupela i mas givim bel bilong yupela tru long ol arapela.” (Rom 12:9)
* Hold your children. Play with them. Pray for them and with them. Speak tenderly to them. Show them love even when you must discipline them for their disobedience. “Fathers do not exasperate your children.” (Ephesians 6:4)
Holim pikinini bilong yu. Pilai wantaim ol. Beten long ol na stap wantaim ol. Tok isi long ol. Soim ol olsem, taim yu stretim ol long taim ol i mekim bikhet pasin, yu stretim ol wantaim pasin laikim. “Yupela papa, yupela i no ken bagarapim tingting bilong ol pikinini bilong yupela na mekim ol i belhat long yupela.” (Efesus 6:4)
* Remember when you teach and discipline your child in love you are trying to direct their hearts to God. “Foolishness is bound up in the heart of a child…” (Proverbs 22:15) so the child’s heart needs to be trained to seek and serve the Lord.
Tingim, taim yu wok long skulim ol pikinini bilong yu wantaim marimari o pasin laikim, yu wok long stiaim bel bilong ol long God. “Ol pikinini i save mekim ol kain longlong pasin…” (Gutpela Sindaun 22:15), olsem na pikinini i mas kisim gut skul pasin long painim na bihainim Bikpela.
* Teach your children about God and God’s great plan of salvation through Jesus Christ as soon as they can understand. “One generation will commend (speak about) your works to another.” (Psalm 145:4)
Skulim ol pikinini long marimari bilong God na wok bilong God long kisim bek yumi insait long Krais taim ol i yangpela ol mas wok strong long kisim save bilong dispela. “…Ol lain manmeri i stap nau bai ol i tokaut long ol arapela lain i kamap bihain long ol samting yu mekim.” (Buk Song 145:4)
* Faithfully and joyfully lead your family to church, the house of God, where the Triune God is highly exalted and His Word is preached in truth. “How I rejoiced with those who said to me, let us go to the house of the Lord.” (Psalm 122:1)
Stap strong long lidim femili bilong yu go long haus bilong Bikpela na lotu, we God Triwan i kisim Biknem taim pasta i autim Tok bilong God wantaim strong na pasin i tru. “Ol i tokim mi olsem, “Goan, yumi go long haus bilong Bikpela. Ol i tok olsem na mi belgut tru.” (Buk Song 122:1)
* Abuse is a sin that can leave scars that never fully heal. So don’t emotionally, physically or sexually abuse your wife (or your children)! Just love them unconditionally! “Husbands ought to love their wives as their own bodies. He who loves his wife loves himself.” (Ephesians 5:28)
Bagarapim meri na pikinini wantaim tok nogut, o pait, o mekim ol doti pasin long ol em i sin na dispela sin em i no orait olgeta. Olsem na lusim kain pasin olsem. Lavim ol wantaim bikpela bel sori, tasol! “Olsem tasol yupela man, yupela i mas laikim tru ol meri bilong yupela olsem yupela i save laikim bodi bilong yupela yet.” (Efesus 5:28)
* Do not think that you can be an effective leader outside the home when you are a poor leader inside the home. (Read: 1 Timothy 3)
No ken ting olsem yu bai stap wanpela gutpela lida autsait long haus bilong yu sapos yu no gutpela lida long femili bilong yu insait long haus bilong yu. (Ritim: 1 Timoti 3)
* Christ died to make fallen men real men who are humble, holy, honorable and lovingly devoted to Him! “Be watchful, stand firm in the faith, act like men, be strong. Let all that you do be done in love.” (1 Corinthians 16:13-14)
Krais i bin dai bilong mekim yumi man i pundaun long sin i kamap olsem trupela man. Kain man olsem em i pulap long daun pasin, em i save mekim stretpela pasin na pasin laikim na em i gat bikpela hangre long Bihainim Krais. “Yupela i mas i stap strong, na yupela i no ken pret long wanpela samting. Na yupela i mas givim bel bilong yupela long God na long ol man…” (1 Cor 16:13-14)
* Always, always, always remember that God’s grace is enough to cover all of your sins and give you what you need to be an effective husband and father. So seek Him in prayer constantly. “My grace is sufficient for you, for my power is made perfect in weakness.” (2 Corinthians 12:9)
Olgeta taim, olgeta taim, olgeta taim tingim dispela tok tru. Marimari bilong Bikpela em inap long karamapim olgeta sin na olpela bel bilong yu na helpim yu winim sin na kamap olsem wanpela strongpela papa na trupela man long meri bilong yu. Olsem na olgeta de painim Bikpela long prea. “Marimari bilong mi em inap long yu. Long wanem, strong bilong mi em i save kamap strong tru long man i no gat strong.” (2 Korin 12:9)